На 20 јуни 2013 година (четврток) со почеток во 10,00 часот на ФОН Универзитетот, Скопје (тркалезна сала, 5 спрат), во организација на “Балкански форум за безбедност“ ќе се одржи Панел сесија на тема:
“република македонија во следната деценија – алтернативи за економско-политичкиот и безбедносно-одбранбениот развој на земјата“
со тези за дискусија:
1) Македонија во статус кво пред портите на ЕУ и НАТО – предизвик за создавање и изградба на нови стратегиски партнерства и
2) Македонското општество во контекст на актуелните и идните безбедносни предизвици и ризици.
На Панел сесијата ќе бидат презентирани размислувања и ставови на експерти и авторитети од политичко-економската, безбедносната и информативно-аналитичката и истражувачката област, посветени на глобалните, регионалните и македонските предизвици за политичко-економските и безбедносните ризици и движења.
Балкански форум за безбедност си постави за цел, врз експертска анализа на актуелните аспекти на политичко-економската состојба и безбедноста и стабилноста, да се даде поглед за развојот на нашата земја и регионот како безбедносна средина (здрава економија – безбедна средина) и за зацврстувањето на довербата и соработката во регионот во контекст на стабилноста на национално и регионално ниво, како предизвик и приоритет во насочувањето и интензивирањето на активностите на полето на вредностите на безбедноста и во создавањето услови за одржлив развој на локално и регионално ниво.
Се очекува дека дека авторитетите и експертите, кои ќе дебатираат на Панел сесијата, ќе придонесат за пошироки и подлабоки сознанија за севкупните ризици и можните нови појавни манифестации на кризи и кризни ситуации, за идеите и организациската подготвеност како да се одговори на предизвиците и на потребните подобрувања во концептот на националната и регионалната безбедност.
Тези за дискусија
– Актуелните состојби во однос на македонските интеграции во европските и евроатлантските структури, како предизвик за изнаоѓање на нови алтернативи во економската соработка,
– Можности за создавање и изградба на стратегиски партнерства преку привлекување инвестиции и изнаоѓање пазари за пласман на македонските производи надвор од земјите на ЕУ,
– Перспективите во развојот на економската соработка на Македонија со земјите надвор од ЕУ,
– Развојните аспекти на македонското општество во контекст на безбедноста,
– НАТО, европската безбедност и местото на Република Македонија во контекст на безбедноста на регионално и глобално ниво,
– Одлагањето на интеграцијата на Република Македонија во ЕУ и НАТО – причина за јакнење на ЕУ и НАТО-скептицизмот,
Учесници
Покрај учеството на членовите на “Балкански форум за безбедност”, на дебатата се поканети и ќе им биде овозможено свој придонес да дадат експерти и аналитичари од политичко-економската, безбедносната и информативно-аналитичката и истражувачката област.
П Р О Г Р А М А
09:30 – 10:00 – Регистрација на учесниците и гостите
10:00 – 10:15 – Воведен збор и официјално отворање на Панел сесијата
д-р Благоја Марковски,
претседател на Балкански форум за безбедност
10:15 – 13:00 –Панел сесија – тези за дискусија:
– Македонија во статус кво пред портите на ЕУ и НАТО – предизвик за создавање и изградба на нови стратегиски партнерства
– Македонското општество во контекст на актуелните и идните безбедносни предизвици и ризици
Модератор:
Проф. д-р Стојан Кузев,
Декан на Факултетот за детектив и криминалистика при Европскиот универзитет Скопје
Панелисти:
Ристо Никовски,
Амбасадор на Р. Македонија и аналитичар и публицист од областа на меѓународните односи
Христо Ивановски,
уредник во весникот “Дневник“
Проф. д-р Фросина Ташевска Ременски,
Професор на Факултетот за безбедност Скопје
Проф. д-р Владимир Пивоваров,
Професор на Факултетот за детективи и безбедност при ФОН Универзитетот Скопје
Проф. д-р Горан Илиќ,
Доцент на Правниот факултет на Универзитетот Св Климент Охридски Битола
13:00 – 13:15 – Кафе пауза
13:15 – 15:00 – Прашања и дискусија
15:00 – 15:30 – Завршни забелешки и заклучоци
