На 26.11.2011 година (сабота) со почеток во 11,00 часот во Домот на АРМ во Скопје, во организација на Балкански форум за безбедност ќе се одржи Панел сесија на тема “Македонски и регионални предизвици пред самитот на НАТО во Чикаго” на која ќе бидат претставени размислувања и ставови на експерти од безбедноста и одбраната, професори и инструктори од образовните институции кои имаат програми за безбедност и други авторитети од Република Македонија.
Во следните месеци “Балканскиот форум за безбедност“ ќе организира уште неколку панел сесии посветени на глобалните, регионалните и македонските предизвици за политичко-економските и безбедносните ризици и движења, кои треба да завршат до Самитот на НАТО во Чикаго следната година, со заклучоци и пораки кои ќе произлезат од дебатите на претставници на државните структури на Република Македонија и експерти и авторитети вклучени во овие панел сесии.
Цели на панел дискусијата
Панел дискусијата има за цел да ги афирмира општите утврдени безбедносни вредности преку дебати, идеи, опции и конкретни планирани активности со цел да се укаже на најефикасните начини за воспоставување на безбедна и политички стабилна средина во Република Македонија и регионот.
Балкански форум за безбедност си постави за цел, врз експертска анализа на актуелните аспекти на безбедноста и стабилноста, да се даде поглед на учесниците на дебатата за патот на натамошната изградба на системот за безбедност на Македонија во контекст на стабилноста на национално и регионално ниво, како предизвик и приоритет во насочувањето и интензивирањето на активностите на полето на вредностите на безбедноста и во создавањето услови за одржлив развој, зацврстување на довербата и соработката во регионот.
Значаен очекуван резултат е дека авторитетите, експертите и научниците кои се занимаваат со проблематиката на безбедноста и одбраната, поврзани со политики и анализи, ќе придонесат за пошироки и подлабоки сознанија за севкупните ризици и можните нови појавни манифестации на кризи и кризни ситуации, за идеите и организациската подготвеност како да се одговори на предизвиците и на потребните подобрувања во концептот на националната безбедност.
Очекуваме дека важен исход од панел дискусијата ќе биде и натамошното зајакнување на довербата во регионот преку меѓусебно информирање по прашањата од достигнувањата во областа на безбедноста и одбраната.
Пристап
Панел дискусијата ќе биде интерактивна
Тези за дискусија
– Актуелните безбедносни состојби во земјата и регионот, како предизвик за eвро-атланските приоритети.
– Македонската дипломатија во контекст на афирмација на реформите во секторот на безбедноста и компромисот околу името,
– НАТО, европската безбедност и местото на Република Македонија во контекст на безбедноста на регионално и глобално ниво,
– Чикаго 2012 – потврда на македонскиот придонес или причина за јакнење на НАТО-скептицизмот,
– Постои ли македонска алтернатива за НАТО – Дали неутралноста има шасни?
Учесници:
На панел дискусијата се поканети и ќе им биде овозможено да развијат интензивен дијалог претставници од највисок ранг на институциите од безбедносно-одбранбениот и надворешно-политичкиот сектор кои се занимаваат со планирање и имплементација на политиката за безбедност и одбрана, експерти од безбедноста и одбраната, професори и инструктори од образовните институции кои имаат програми за безбедност и други авторитети од земјата кои на одреден начин, со своите видувања можат да придонесат во оставрување на целта на панел дискусијата.
Поканети се :
– Министерот за одбрана на Република Македонија,
– Министерот за надворешни работи на Република Македонија
Очекуваме да присуствуваат и учествуваат и претставници од:
– Кабинетот на Претседателот на Република Македонија,
– Министерството за внатрешни работи,
– Комисијата за безбедност и одбрана во Собранието на Република Македонија,
– Образовните и други институции и организации од Република Македонија,
– Меѓународните организации: ЕУ, ОБСЕ, НАТО,
– Амбасадите во Република Македонија,
– Експерти од областа на безбедноста и одбраната,
– Авторитети од областа на политичкиот и информативниот простор во Македонија.
Работен јазик:
Македонски и англиски јазик. Преводот ќе биде обезбеден.
ПРОГРАМА
“Македонски и регионални предизвици пред самитот на НАТО во Чикаго”
сабота, 26 ноември 2011 година
11:00 – 15:00 часот, Дом на АРМ, сала 4, Скопје
10:45 – 11:00 – Пристигнување и регистрација на учесниците и гостите
11:00 – 11:10 – Воведен збор
11:10 – 12:10 – Прва панел дискусија: Македонија во НАТО и европската безбедност – реалност или само огледален приказ на желби
Тези за дискусија:
– Актуелните безбедносни состојби во земјата и регионот, како предизвик за eвро-атланските приоритети,
– Македонската дипломатија во контекст на афирмација на реформите во секторот на безбедноста и компромисот околу името,
– НАТО, европската безбедност и местото на Република Македонија во контекст на безбедноста на регионално и глобално ниво.
12:10 – 12:40 – Прашања и дискусија
12:40 – 12:50 Кафе пауза
12:50 – 13:00 Вовед во втората панел дискусија
13:00 – 13:40 Втора панел дискусија: Аналитичко-медиумски поглед – очекувањата и ставовите на јавноста од Самитот во Чикаго
Тези за дискусија:
– Чикаго 2012 – потврда на македонскиот придонес или причина за јакнење на НАТО-скептицизмот,
– Постои ли македонска алтернатива за НАТО – дали неутралноста има шанси?
13:40 – 14:00 – Прашања и дискусија
14:00 – 14:15 – Завршни забелешки и заклучоци
14:15 – 15:00 – Коктел за учесниците и гостите
Балкански форум за бебзбедност