Асоцијација на здруженија од сферата на безбедноста,
одбраната и меѓународните односи
______________________________________________________________________________
Здружение на ветерани и резервисти од одбраната и безбедноста– Балкански форум за безбедност – Клуб на генерали – Дипломатски клуб Скопје – Здружение на дипломирани студенти на НАТО колеџот во РИМ – Здружение на воени пензионери на Р. Македонија – Здружение на армиски ветерани Кавадарци – ЗУВО на РМ 2001/2002
СООПШТЕНИЕ ЗА МЕДИУМИТЕ
Почитувани,
Балкански форум за безбедност заедно со Асоцијацијата на здруженија од областа на безбедноста, одбраната и меѓународните односи на 25.09.2018 година со почеток во 11:00 часот, во Домот на АРМ, Скопје (сала 4), организира научно-експертска конференција на тема:
“Република Македонија пред нова историска одлука“
Конференцијата има за цел, врз експертска анализа на актуелните аспекти на безбедноста и стабилноста, да ги афирмира општите утврдени безбедносни вредности, а преку дебатата, идеите, опциите и конкретни заклучоци да се укаже на најефикасните начини за воспоставување на безбедна и политички стабилна средина во Република Македонија и регионот.
На Конференцијата ќе бидат разгледани и анализирани новите димензии на воените закани во контекст на глобалните предизвици и современите манифестации на ризиците и заканите по безбедноста. Особен осврт ќе се даде на факторите кои влијаат или можат да предизвикаат закани по безбедноста на Република Македонија, како што се современите асиметрични и хибридни закани по безбедноста, организираниот криминал, корупцијата, различните манифестации на радикален национализам и екстремизам. Нужно внимание ќе биде посветено и на заканите во форма на прилив на бегалци, тероризам и дејства од позиција и идеолошка основа на исламскиот фундаментализам како последица од случувањата на Блискиот исток. Ќе биде анализирана неопходноста од соработка, интеракција и изградба на националниот систем за безбедност и одбрана во коалиционен формат со интегрирање на Република Македонија во Европската унија и НАТО.
ПРОГРАМА
Панел дебата:
“Република Македонија пред нова историска одлука“
Вторник, 25 септември 2018 година
11:00 – 13:30 часот, Дом на АРМ, Скопје (сала 4)
10:30 – 11:00 – Регистрација на учесниците и гостите
11:00 – 11:05 – Официјално отворање на Панел дебатата
– Генерал во пензија Филип Котели, Здружение на ветерани и
резервисти од одбраната и безбедноста
11:05 – 11:15 – Воведно излагање: “Македонско-грчката спогодба и
претстојниот референдум“
– д-р Благоја Марковски, Балкански форум за безбедност
11:15 – 11:25 – Правно-политички аспекти на Македонско-грчката спогодба
– проф. д-р Темелко Ристески, БСФ
11:25 – 11:35 – Факти за Спогодбата и референдумот
– проф. д-р Јове Кекеновски, ФТУ Охрид
11:35 – 11:45 – Импликациите на Спогодбата од Преспа врз меѓународната
положба на Република Македонија и безбеднооста
– амбасадор Зоран Тодоров, Клуб на дипломати Скопје
11:45 – 11:55 – Спогодбата услов за членство во НАТО – придобивки и
обврски
– генерал во пензија Мирослав Стојановски, Клуб на генерали
11:55 – 12:15 – Кафе пауза
12:15 – 13:15 – Прашања и дискусија
13:15 – 13:30 – Завршни забелешки и заклучоци
Балкански форум за безбедност
