Клуб на генерали– Балкански форум за безбедност – Здружение на ветерани и резервисти од одбраната и безбедноста
СООПШТЕНИЕ ЗА МЕДИУМИТЕ
Почитувани,
На 01.06.2017 година (четврток) со почеток во 10,00 часот во Домот на АРМ (сала 4) во Скопје, Клубот на генерали, Балкански форум за безбедност и Здружението на ветерани и резервисти од одбраната и безбедноста, во заедничка организација, ќе одржат научно-експертска конференција на тема “АКТУЕЛНИ БЕЗБЕДНОСНИ ПРЕДИЗВИЦИ“, на која ќе бидат презентирани размислувања и ставови на експерти и авторитети од сферата на безбедноста и одбраната, посветени на глобалните, регионалните и македонските перспективи за безбедносните предизвици и движења.
Зедничката идеја и цел на Клубот на генерали, на Балкански форум за безбедност и на Здружението на ветерани и резервисти од одбраната и безбедноста е, врз експертска анализа на актуелните аспекти на безбедноста и стабилноста, да се даде поглед за патот на натамошната изградба на системот за безбедност на Македонија во контекст на стабилноста на национално и регионално ниво, како предизвик и приоритет во насочувањето и интензивирањето на активностите на полето на вредностите на безбедноста и одбраната и во создавањето услови за одржлив развој, зацврстување на довербата и соработката во регионот.
Значаен очекуван резултат е дека авторитетите, експертите и научниците кои се занимаваат со проблематиката на безбедноста и одбраната, поврзани со политики и анализи, ќе придонесат за пошироки и подлабоки сознанија за севкупните ризици и можните нови појавни манифестации на безбедносните состојби, за идеите и организациската подготвеност како да се одговори на предизвиците и на потребните подобрувања во концептот на националната безбедност.
ПРОГРАМА
“АКТУЕЛНИ БЕЗБЕДНОСНИ ПРЕДИЗВИЦИ“
Четврток, 01 јуни 2017 година
10:00 – 13:30 часот, Дом на АРМ, Скопје (сала 4)
09:30 – 10:00 – Регистрација на учесниците и гостите
10:00 – 10: 05 – Официјално отворање на Панел сесијата
Генерал во пензија Борис Стојаноски, Потпретседател на Здружението на ветерани и резервисти од одбраната и безбедноста
10:05 – 10:15 – Воведно излагање: “Актуелни безбедносни предизвици“
Д-р Благоја Марковски, Претседател наБалкански форум за безбедност
10:15 – 11:45 – Тези за дебата
Модератор:
д-р Благоја Марковски, Балкански форум за безбедност
Проф. д-р Темелко Ристески, Декан на правен факултет, ФОН универзитет
– Актуелните политичко-безбедносни состојби и нивното влијание врз развојните аспекти на македонското општество во контекст на безбедноста,
Проф. д-р Владимир Пивоваров
– Настаните од 27 април – отрезнувачка поука или мултиплицирање на кризата во Македонија,
Генерал во пензија Мирослав Стојановски, Клуб на Генерали
– Место и улога на безбедносните структури во услови на кризни и вонредни состојби,
Проф. д-р Осман Кадриу, факултет за правни науки, ФОН
– Ослободувањето на “заробената држава“ како предуслов за сеопшта сигурност на граѓаните на Македонија,
Велин Стојановски, полк. во пензија, Здружение на ветерани
– Актуелните безбедносни состојби во земјата и регионот, како предизвик за eвро-атланските приоритети,
Амбасадор Благој Зашев
– Геостратегиски и геополитички аспекти на причините за појава на безбедносни кризи.
11:45 – 12:00 – Кафе пауза
12:00 – 13:15 – Прашања и дискусија
13:15 – 13:30 – Завршни забелешки и заклучоци
Клуб на генерали
Балкански форум за безбедност
Здружение на ветерани и резервисти од одбраната и безбедноста
